منتدى فيه كل أنواع الثمار المفيدة أما الثمار السامة عفواً لاتوجد في هذا البستان


    أمي

    شاطر

    ibrahim_hashim

    المساهمات : 2
    تاريخ التسجيل : 07/06/2010

    أمي

    مُساهمة  ibrahim_hashim في الثلاثاء يونيو 29, 2010 5:54 am

    تاني مابرحل بعيد
    امشي واسيبك للهموم
    اجمل سلام ياامي ليك
    رغم البعاد ... صمت السكون
    سفر الشقاء مااظن يكون
    درب البعاد درب النجوم
    احلام بترحل بيك بعيد
    ترحل هناك بين الغيوم

    *********

    الوعد انك تدعو لي ...
    ماتنسي ياامي الدعاء
    والغربه لو طالت علي
    بسال الله ... اودعا
    والروح كتير بتهف لي
    ارجع هناك ... ارجعا
    بتمني ليك طول العمر
    وللحجه ربك يوسعا

    *******

    الناس كتير تتمني لي
    العافيه والعمر الطويل
    وانا غير رضاك ما ببغي شئ
    مهما يدوني ... البديل
    وريدك دا شايلوا معاي عدد
    في الدنيا يهديني السبيل
    والله ... كايس لي عفوك
    في الجنه يصبح لي دليل

    *******************************************ابراهيم منشاوي 2010 *************
    ختاماً :-
    جاء رجل إلى رسول الله صلى الله عليه وسلم وقال له يارسول الله من أحق الناس بحسن صحابتى قال أمك قال ثم من قا ل أمك قال ثم من قال أمك قال ثم من قال ابوك
    صدق رسول الله صلى الله عليه وسلم

    للاطلاع علي كل خواطري الرجاء زياره مدونتي : www.minshpune.co.cc
    avatar
    عصام كباشي
    Admin

    المساهمات : 72
    تاريخ التسجيل : 19/05/2010
    العمر : 52
    الموقع : السودان - الخرطوم

    رد: أمي

    مُساهمة  عصام كباشي في الأربعاء يونيو 30, 2010 5:54 pm

    كلماتك رقيقة يا هوما
    اصلو الغربة بتعلم الواحد كيف يبقى شاعر
    وما بعيده كمان تولد فيك حاجات تانية
    يعني لو لقيناك مع دهر مندرا ولا اميتاب باتشان حنصدق


    _________________
    عشان يكون الحق ليك تعبر بحور وتهدم جبال

    محبتي
    عصام كباشي

      الوقت/التاريخ الآن هو الأحد أكتوبر 21, 2018 9:33 am